У Беларусі на 17-18 студзеня абвешчана штармавое папярэджанне
У канцы мінулага тыдня моцны вецер зрываў дахі і ламаў дрэвы / БЕЛТА
Штармавое папярэджанне аб'яўлена на 17-18 студзеня ў Беларусі з-за моцнага ветру. Пра гэта гаворыцца на сайце міністэрства па надзвычайных сітуацыях.
На працягу двух дзён на большай частцы тэрыторыі краіны чакаецца ўзмацненне ветру парывамі да 15-20 м/с. А днём 17 студзеня і ноччу 18 студзеня парывы ветру месцамі будуць дасягаць 21-24 м/с, у асобных раёнах 25-27 м/с.
Акрамя таго сіноптыкі папярэджваюць аб галалёдзіцы.
У мінулую пятніцу з-за моцнага ветру пацярпелі больш за 450 населеных пунктаў у 58-мі раёнах Беларусі. Было разбурана больш за 420 жылых дамоў, а таксама іншыя будынкі. Вецер зрываў дахі і ламаў дрэвы. Былі і пацярпелыя. У Мінску жанчына атрымала траўмы, калі на яе ўпала пластыкавыя пакрыццё прыпынку. У Магілёве на двух чалавек абрынуліся сарваныя ветрам рэкламныя шчыты.
