У Беларусі антырэкорд па колькасці камбайнаў, якія згарэлі падчас жніва
![Гэты камбайн у жніўні згарэў на Мядзельшчыне](/sites/default/files/styles/gallery_main/public/2024-08/miadz.jpg.webp?itok=CL3Wrdyk)
Гэты камбайн у жніўні згарэў на Мядзельшчыне / narachanka.by
У Беларусі антырэкорд па колькасці камбайнаў, якія згарэлі падчас жніва, піша @vitebsk_info. Сёлета на пачатак верасня іх налічылі дзясятак. І гэтая лічба яшчэ можа павялічыцца. Летась згарэлі 8 камбайнаў, у 2022 годзе — 4, у 2021-м — 9.
Верагодна, у статыстыку не ўвайшоў камбайн УЭС-2-250А "Палессе", які згарэў 4 верасня ў Лунінецкім раёне. Тады сітуацыя яшчэ горшая.
Рэгулярна адбываюцца ўзгаранні КЗС-1218 "Палессе GS12", апошні пажар — у Лідскім раёне. У некаторых выпадках пацярпелі людзі. Напрыклад, у Пружанскім раёне камбайнер трапіў у рэанімацыю. У Буда-Кашалёўскім раёне шпіталізавалі з апёкамі механізатара.
Звычайна ратавальнікі паведамляюць, што прычына ўзгарання невядомая ці высвятляецца.
![У Беларусі антырэкорд па колькасці камбайнаў, якія згарэлі падчас жніва](/sites/default/files/styles/default_image_paragraph/public/paragraphs/image/24_27.jpg.webp?itok=QP_-djQ4)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.