У Барысаве п'яны мужчына пашкодзіў абраз у адным з праваслаўных храмаў
Каля храма, у якім адбылося здарэнне / t.me/minobl_uvd/
У Барысаве п'яны мужчына пашкодзіў абраз у адным з праваслаўных храмаў. Зламысніка затрымалі, па факце хуліганства распачата крымінальная справа.
Як паведамляе міліцыя Мінскай вобласці, 46-гадовы мужчына пасля таго, як уварваўся ў царкву, паспрабаваў разбіць абраз. Ён двойчы па яму ўдарыў рукой. Хулігана спынілі прысутныя вернікі, якія выклікалі міліцыянераў. Мужчына не стаў іх чакаць і ўцёк. Але неўзабаве яго знайшлі па прыкметах і затрымалі. Прычыну свайго ўчынку ён патлумачыць не змог, спасылаючыся на стан алкагольнага ап'янення.
Абраз сур'ёзна пашкоджаны. Сума нанесенай шкоды склала 250 рублёў.
