Вы тут

У Баранавічах фармуюць стралковы батальён тэрытарыяльных войскаў

У Баранавічах фармуюць батальён тэрытарыяльнай абароны / Еўрарадыё, ілюстрацыйнае фота

У Баранавіцкім раёне з 20 жніўня вядзецца фармаванне асобнага стралковага батальёна тэрытарыяльных войскаў. Як паведамляе прэс-служба Мінабароны, гэтая часць прыме ўдзел у сумесным стратэгічныі вучэнні Узброеных Сіл Беларусі і Расіі "Захад-2021".

З ваеннаабавязанымі правядуць заняткі па абыходжанні са стралковай зброяй і іншым узбраеннем тэрытарыяльных войскаў. Таксама заняткі будуць прысвечаныя выкананню інжынерных работ, аказанні медыцынскай дапамогі і парадку выканання задач тэрытарыяльнай абароны.

Падчас вучэння тэрытарыяльныя войскі будуць адпрацоўваць наступныя задачы:

— супрацьдзеянне незаконным узброеным фармаванням і дыверсійна-разведвальным групам;

— выкананне баявых задач са злучэннямі і воінскімі часцямі сухапутных войскаў;

— абарона населенага пункта.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.