У Баранавічах адкрылі мемарыял у гонар загінулых лётчыкаў
![У Баранавічах адкрылі мемарыял у гонар загінулых лётчыкаў](/sites/default/files/styles/gallery_main/public/2023-08/0ab1e06f837d8b5ef70218922b1b4265.jpg.webp?itok=6koUnbM5)
20 траўня ў Баранавічах адкрылі мемарыял у гонар загінулых лётчыкаў маёра Андрэя Нічыпорчыка і лейтэнанта Мікіты Куканенкі. Урачыстасць прайшла ў гадавіну трагедыі.
19 траўня 2021 года, калі Нічыпорчык і Куканенка выконвалі вучэбна-трэніровачны палёт на самалёце Як-130, узнікла тэхнічная няспраўнасць. Экіпаж атрымаў загад катапультавацца, аднак ён да апошняга стараўся адвесці самалёт ад Баранавічаў. У выніку мясцовыя жыхары не пацярпелі, але лётчыкі загінулі. Восенню 2021-га ім прысвоілі званне Герояў Беларусі.
"Ці маглі яны паступіць інакш? Не. Не маглі, — гаварыў на цырымоніі адкрыцця мемарыяла міністр абароны Віктар Хрэнін. — Яны занадта моцна шанавалі гонар афіцэра і жыццё людзей, якіх яны абаранялі. Іх выбар — гэта выбар герояў і сапраўдных мужчын".
Месца правядзення мерапрыемства было ачэплена, таму мясцовыя жыхары назіралі за ўрачыстасцю здалёк. Пасля яго заканчэння ўскласці кветкі да помніка змаглі ўсе жадаючыя, піша intex-press.by.
![У Баранавічах адкрылі мемарыял у гонар загінулых лётчыкаў](/sites/default/files/styles/default_image_paragraph_watermark/public/paragraphs/image/43_1.jpg.webp?itok=SYq5u5Lw)
![У Баранавічах адкрылі мемарыял у гонар загінулых лётчыкаў](/sites/default/files/styles/default_image_paragraph_watermark/public/paragraphs/image/44_11.jpg.webp?itok=eifd6pts)
![У Баранавічах адкрылі мемарыял у гонар загінулых лётчыкаў](/sites/default/files/styles/default_image_paragraph_watermark/public/paragraphs/image/42.jpg.webp?itok=7wRaNjhf)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.