У Бабруйску загінула 8-гадовая школьніца — на яе ўпала шафа
![У Бабруйску загінула 8-гадовая школьніца — на яе ўпала шафа](/sites/default/files/styles/gallery_main/public/2023-08/12_09_2016_alexander_chuguev_dsc_2097a.jpg.webp?itok=oyHYuqF2)
У Бабруйску загінула 8-гадовая школьніца — на яе ўпала шафа. Трагічнае здарэнне адбылося 11 верасня, калі дзяўчынка была дома са сваёй старэйшай сястрой (маці пайшла ў краму). Шафа звалілася на дзіця, калі яно палезла на антрэсоль за нейкімі рэчамі. Медыкі канстатавалі, што школьніца памерла ад кровазліцця ў галаўны мозг, інфармуе "Вечерний Бобруйск".
Па словах маці дзяўчынкі, у раннім дзяцінстве ў дачкі была выяўленая кіста галаўнога мозгу. Таму да малодшага дзіцяці (у сям'і чацвёра дзяцей) ставіліся з асаблівай увагай, бераглі ад траўмаў, у тым ліку і ў дзіцячым садку. Сёлета дзяўчынка пайшла ў другі клас адной з школаў горада.
Следчы камітэт праводзіць праверку па факце смерці дзіцяці, прызначаныя экспертызы, паведаміла афіцыйная прадстаўніца УСК па Магілёўскай вобласці Аксана Салянюк.
![У Бабруйску загінула 8-гадовая школьніца — на яе ўпала шафа](/sites/default/files/paragraphs/image/12092016alexanderchuguevdsc2117.jpg)