У Бабруйску двойчы за чатыры дні масава адмянялі рэйсы маршрутных аўтобусаў
У Бабруйску адмяняюць аўтобусныя рэйсы праз хваробу кіроўцаў / bobrlife.by, ілюстрацыйнае фота
Двойчы за апошнія чатыры дні ў Бабруйску адмянялі рэйсы маршрутных аўтобусаў — 24 і 27 чэрвеня. Інфармацыя пра гэта з'явілася на сайце бабруйскага філіяла аўтобуснага парка №2 "Магілёўаблаўтатранса".
На мінулым тыдні былі адмененыя дзясяткі рэйсаў на пяці маршрутах. Сёння паведамляецца пра адмену рэйсаў на двух маршрутах. У абодвух выпадках прычынай называецца хвароба кіроўцаў парка і іх выхад на бальнічныя.
У сацсетках пішуць, што ў Бабруйску адчуваецца крытычны недахоп кіроўцаў аўтобусаў.
