У аўторак уначы ў Беларусі будзе да 7 градусаў марозу

У аўторак, 15 снежня, ападкі ў Беларусі прагназуюцца пераважна на ўсходзе. Гэта будзе кароткачасовы снег. Уначы і раніцай месцамі прагназуецца туман, на дарогах месцамі захаваецца галалёдзіца.

Як інфармуе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды, вецер чакаецца паўночна-заходні, 4-9 метраў за секунду. У начныя гадзіны тэмпература паветра складзе 1-7 градусаў марозу, у дзённыя — ад мінус 3 да плюс 2 градусаў.

Фота: БЕЛТА