У аўторак у Беларусі месцамі чакаецца мокры снег, а ў сераду — замаразкі
![Град у Смалявіцкім раёне, 6 траўня 2024-га](/sites/default/files/styles/gallery_main/public/2024-05/grad.jpg.webp?itok=k_D5n6-3)
Град у Смалявіцкім раёне, 6 траўня 2024-га / t.me/smolevichi_mp/
Уначы і раніцай у аўторак, 7 траўня, месцамі на поўначы Беларусі магчымы мокры снег. У некаторых раёнах пройдуць дажджы. Удзень ападкі (кароткачасовыя дажджы і нават навальніцы) чакаюцца пераважна на ўсходзе нашай краіны. Сіноптыкі папярэджваюць і пра слабы туман.
У начныя гадзіны тэмпература паветра складзе ад +2 на поўначы да +13 на поўдні (у Мінску — 5-7 цяпла), у дзённыя гадзіны — ад +7 да +13 (у сталіцы — ад +9 да +11, на поўдні — да 16 градусаў).
У сераду і чацвер будзе без ападкаў. Уначы амаль па ўсёй Беларусі магчымыя замаразкі.
![У аўторак у Беларусі месцамі чакаецца мокры снег, а ў сераду — замаразкі](/sites/default/files/styles/default_image_paragraph/public/paragraphs/image/oMA2BOcZOuo.jpg.webp?itok=8JJ-IrQ9)
![У аўторак у Беларусі месцамі чакаецца мокры снег, а ў сераду — замаразкі](/sites/default/files/styles/default_image_paragraph/public/paragraphs/image/TrlGYCwKlto.jpg.webp?itok=BEsd2gn_)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.