Спёка адступае: у аўторак у асобных раёнах Беларусі чакаюцца навальніцы

У аўторак, 22 жніўня, у Беларусі чакаецца пераменная воблачнасць, паведамляе Белгідрамет.

Уначы і зранку пераважна па паўночна-ўсходняй палове, а ўдзень месцамі па поўначы краіны пройдуць кароткачасовыя дажджы, у асобных раёнах прагрымяць навальніцы. Уначы і зранку месцамі па Беларусі будзе згушчацца слабы туман. Вецер прагназуецца заходні, паўночна-заходні парывісты.

Тэрмометры ўначы пакажуць 12-18 цяпла, удзень чакаецца +21...+27 (у Мінску — 22-24 градусы).