У аўторак чакаецца кароткачасовы снег
У аўторак, 23 лістапада, у Беларусі прагназуецца воблачнае з праясненнямі надвор'е, паведамляе Белгідрамет.
Уначы будзе пераважна без ападкаў, а зранку і ўдзень на большай частцы тэрыторыі краіны пройдзе кароткачасовы снег, мокры снег, па захадзе — з дажджом. На асобных участках дарог чакаецца галалёдзіца. Уначы і зранку месцамі прагназуецца туман, слабы галалёд.
Вецер будзе заходні, паўднёва-заходні. Уначы ён будзе слабы да ўмеранага, удзень — умераны, па захадзе — парывісты.
Тэрмометры ўначы пакажуць 2-8 марозу, месцамі да 10 ніжэй за нуль. Удзень чакаецца ад -3 да +3.
