У аўторак у Беларусі будзе ад -20 уначы да +3 удзень

У аўторак, 25 студзеня, у Беларусі чакаецца воблачнае надвор'е, уначы па паўднёвым усходзе — з праясненнямі, паведамляе Белгідрамет. 

На большай частцы тэрыторыі краіны пройдуць ападкі — снег, мокры снег, па захадзе — снег з дажджом. На асобных участках дарог прагназуецца галалёдзіца. Вецер будзе паўднёва-заходні, заходні ўмераны. 

Уначы тэрмометры пакажуць 9-14 марозу, па паўднёвым усходзе пры праясненнях будзе 15-20 ніжэй за нуль, па захадзе краіны — 3-8 са знакам "мінус". Удзень чакаецца ад -2 да +3, па ўсходзе краіны будзе 3-8 марозу.