У апошні дзень лета ў Беларусі будзе да +22, месцамі дажджы і навальніцы

У апошні дзень лета кароткачасовыя дажджы і навальніцы ў Беларусі чакаюцца толькі месцамі. Сіноптыкі адзначаюць, што небяспечных гідраметэаралагічных з'яў у сераду, 31 жніўня, не чакаецца.

Тэмпература паветра ў начныя гадзіны складзе ад +11 да +16 градусаў (месцамі — 8-10 цяпла, у Мінску — ад +12 да +14), у дзённыя гадзіны — ад +16 да +22 (у сталіцы — ад +18 да +20 градусаў).