У аэрапорце Аўстраліі жанчына спрабавала абшукаць прэм'ер-міністра
Прэм'ер Саламонавых Выспаў Гордан Дарсі Ліло прыляцеў з Інданэзіі для наведвання мемарыялу ў аўстралійскім горадзе Бандаберг.
У зоне мытнага кантроля супрацоўнікі аэрапорта горада Брысбен папрасілі госця прайсці дадатковую праверку. Адна з супрацоўніц службы бяспекі спрабавала правесці асабісты дагляд прэм'ер-міністра. Аднак і Гордан Дарсі Ліло, і яго памочнікі адмовіліся выконваць патрабаванні.
Як паведамляе РІА "Новости", прадстаўнік МЗС Аўстраліі ўжо прынёс свае прабачэнні ўладам Саламонавых Выспаў за інцыдэнт у аэрапорце. Ён выказаў шкадаванне адносна дыскамфорта, учыненага прэм'еру.
Нагадаем, што Саламонавы Выспы — гэта дзяржава ў Ціхім акіяне, якая складаецца з амаль тысячы выспаў. Насельніцтва налічвае каля паўмільёна чалавек.
Фота — AFP, krugosvet.ru
