У Адэсе ў кантэйнеры знайшлі верталёт, які там захоўваўся 15 гадоў

У Адэскай мытні ў кантэйнеры знайшлі верталёт Мі-2, які там захоўваўся 15 гадоў. Цяпер яго збіраюцца перадаць на патрэбы Узброеных сіл Украіны.

Як піша прэс-служба Офіса Генеральнага пракурора Украіны, на знаходку натрапілі супрацоўнікі пракуратуры, якія вырашылі праверыць мытню. Яны знайшлі 138 кантэйнераў з самымі рознымі таварамі, нават з аўтамабілямі. Іх павінны былі прадаць, а сродкі залічыць у дзяржаўны бюджэт. Аднак канфіскаваныя тавары "прытрымалі", некаторыя надоўга. Па фактах "злоўжывання службовым становішчам" праводзіцца расследаванне.