У 1/4 Лігі чэмпіёнаў "Баварыя" згуляе з "Рэалам", "Ювентус" — з "Барселонай"
У швейцарскім Ньёне адбылося лёсаванне чвэрцьфіналу футбольнай Лігі чэмпіёнаў. Па яго выніках мадрыдскі "Атлетыка" будзе гуляць з англійскім "Лестэрам", дортмундская "Барусія" сустрэецца з "Манака", "Баварыя" падужаецца з мадрыдскім "Рэалам", а італьянскі "Ювентус" будзе змагацца за выхад у паўфінал з "Барселонай".
Першыя матчы 1/4 фіналу пройдуць 11-12 красавіка, а матчы ў адказ — 18-19 красавіка.
