Тры палякі спрабавалі ўгнаць таксоўку ў Мінску

Тры палякі спрабавалі ўгнаць таксоўку ў Мінску

Замежных угоншчыкаў затрымалі беларускія міліцыянты ў Мінску 5 сакавіка, паведамляе прэс-служба ГУУС Мінгарвыканкама

У гэты дзень каля 6-й гадзіны раніцы ў міліцыю затэлефанаваў токсовец і заявіў, што тры пасажыры на вуліцы Жукоўскага не аплачваюць паслугі і спрабуюць скрасці яго машыну. Супрацоўнікі Кастрычніцкага РУУС затрымалі трох зламыснікай. Выявілася, што ўсе яны — грамадзяне Польшчы.

У лютым замежнікі прыехалі ў Мінск, каб адкрыць даччыную фірму. Уначы 5 сакавіка яны выпівалі ў адным з бараў сталіцы, а потым вярталіся адтуль на таксоўцы. Даехаўшы дадому, кампанія цалкам не аплаціла паездку. У іх узнік з-за гэтага канфлікт з таксістам. 

У выніку 24-гадовы паляк, як паведамляе міліцыя, "забраў у таксіста кошт аплочанай імі паездкі, 10 рублёў і металічны тэрмас". Таксовец выскачыў з машыны і выклікаў міліцыю. Тым часам зламыснік сеў за руль аўто і паспрабаваў з'ехаць з месца здарэння. Аднак кіроўца таксоўкі стаў яму перашкаджаць, упіраючыся рукамі ў капот. 

Міліцыянты затрымалі трох палякаў і даставілі ў пастарунак. Выявілася, што асноўны фігурант быў моцна п'яны і не мог выразна патлумачыць матывы свайго ўчынку. Цяпер ён змешчаны ў ІЧУ (ізалятар часовага ўтрымання), на яго пачалі крымінальныя справы за рабаванне і ўгон транспартнага сродку. Яму можа пагражаць да пяці гадоў пазбаўлення волі.

Апошнія навіны

Галоўнае

Выбар рэдакцыі