Тры гады за "Обійми". Вакарчук адрэагаваў на прысуд Мэрыем Герасіменка

Мэрыем Герасіменка / instagram.com/meriem_gera
Мэрыем Герасіменка / instagram.com/meriem_gera

Лідэр гурта "Океан Ельзи" Святаслаў Вакарчук пракамэнтаваў прысуд беларускай спявачкі Мэрыем Герасіменка. Дзяўчына атрымала тры гады “хатняй хіміі” за выкананне хіта “ОЕ” "Обійми".

Падчас эфіру на тэлеканале "1+1" Вакарчук заўважыў, што ў Беларусі прымяняюцца рэпрэсіўныя метады, якія выкарыстоўваліся ў савецкі час. Калі ўсіх, хто быў нязгодны і пратэставаў супраць улады, саджалі і пераследавалі:

"У дадзеным выпадку гэта тыповыя рэпрэсіўныя метады. Мне вельмі шкада гэту выдатную дзяўчыну, якая, я спадзяюся, знойдзе сілы і годна пройдзе гэтае выпрабаванне. Жадаю ёй і ўсім астатнім, цалкам несправядліва асуджаным, або тым, хто чакае суда, — трываласці. Безумоўна, мы іх у гэтым падтрымліваем маральна, чым можам”, — сказаў Вакарчук.

Музыка таксама звярнуў увагу на тое, што спачатку прычынай затрымання Герасіменка назвалі выкананне ёю песні на ўкраінскай мове, а потым заявілі, што прычынай стала тое, што артыстка данаціла на ўкраінскае войска:

“Я не магу зразумець, чаму данаціць украінскаму войску — гэта парушэнне грамадскага парадку... Гэта зусім іншы свет, з якога, дзякуй Богу, мы, украінцы, выйшлі ў 1991 годзе і дакладна ніколі ня вернемся. Мы цяпер плацім цану страшных ахвяраў, каб не вярнуцца да гэтага страшнага жаху, у якім цяпер знаходзяцца Беларусь і Расія", — сказаў Вакарчук.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі