Трое пенсіянераў і падлетак сышлі ў пікнік і заблукалі — вось як іх ратавалі
![Лес](/sites/default/files/styles/gallery_main/public/2024-04/forest-438432_1920.jpg.webp?itok=PsjKcJPq)
Лес / pixabay
Трое пенсіянераў і падлетак хацелі адпачыць на прыродзе, але... заблукалі ў лесе. Не здолеўшы знайсці да цемры дарогу дадому, яны ўладкавалі месца для начлегу і разлічвалі, што раніцай змогуць выбрацца з лесу.
Але і на наступны дзень яны не змаглі зарыентавацца на мясцовасці і толькі тады патэлефанавалі ратавальнікам. На шчасце, у аднаго з чацвярых мабільны тэлефон быў зараджаны.
У пошукава-выратавальнай аперацыі ўдзельнічалі 62 чалавекі: ратавальнікі, супрацоўнікі РУУС, прадстаўнікі лясгаса, пошукава-выратавальны атрад "Сірыус", вайскоўцы вайсковай часткі МУС і мясцовыя жыхары. У паветра паднялі дроны, дапамагалі службовыя сабакі.
Да вечара наступнага дня чацвёрку знайшлі вайскоўцы ўнутраных войскаў. Медыцынская дапамога нікому з заблукалых у лесе не спатрэбілася, дадаюць у МНС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.