"Тарпеда-БелАЗ" займае 3-е месца ў чэмпіянаце Беларусі па футболе
Тарпеда-БелАЗ / sport5.by
"Тарпеда-БелАЗ" займае 3-е месца ў чэмпіянаце Беларусі па футболе. Жодзінцы прайгралі ў апошнім туры, але іх галоўныя канкурэнты таксама прайгралі.
Сярод іх быў БАТЭ, які сёння прапусціў аж тры галы ад салігорскага "Шахцёра", не забіўшы ніводнага ў адказ. Упершыню за апошнія 18 гадоў клуб з Барысава застаўся па-за тройкай прызёраў. Сыйшла эпоха!
Таксама сёння вызначыўся яшчэ адзін клуб, які пакідае вышэйшую лігу. Ім стала бабруйская "Белшына". "Энергетык-БДУ" захоўвае шансы зачапіцца за "вышку" — "студэнты" будуць гуляць стыкавыя матчы.
