Сёлета БДУ заселіць у інтэрнаты 100% першакурснікаў-"тэхнароў"
А таксама 80% іншагародніх першакурснікаў-гуманітарыяў.
Па выніках сёлетняй уступнай кампаніі БДУ збіраецца засяліць у інтэрнаты 100% іншагародніх студэнтаў-першакурснікаў, якія паступяць на прыродазнаўчыя факультэты. А таксама 80% першакурснікаў не з Мінска, якія паступяць на гуманітарныя спецыяльнасці.
Пра гэта распавёў рэктар Белдзяржуніверсітэта Сяргей Абламейка.
Сяргей Абламейка: “У нас палепшылася сітуацыя, інтэрнат у Шчомысліцы адкрыўся пасля рамонту ў снежні, два новыя інтэрнаты ў Студэнцкай вёсцы з’явіліся. А паколькі студэнтаў становіцца менш, то расце колькасць месцаў”.
На сёння ў інтэрнатах БДУ жыве 70% ад усіх, каму патрэбнае месца.
Фота — onliner.by
