Сям'я памежніка, які загінуў на мяжы з Польшчай, збіралася з'ехаць у Германію

Роберт Цімафееў / vk.com
Роберт Цімафееў / vk.com

Сям'я беларускага памежніка, які загінуў на мяжы з Польшчай, збіралася з'ехаць у Германію — яны этнічныя немцы. Аднак да яго прызыву аформіць дакументы не паспелі, таму вырашылі застацца ў Беларусі, пакуль ён служыць, піша "Зеркало".

Пра "знойдзены труп вайскоўца з прыкметамі суіцыду" ў Абяроўшчыне ў Камянецкім раёне Брэсцкай вобласці ў памяшканні аддзялення памежнага кантролю "Высока-Літоўск" 20 сакавіка паведаміла прэс-служба Брэсцкай памежнай групы. "Зеркало" ж даведалася імя і прозвішча загінулага: Роберт Цімафееў. Яму было 19 гадоў. У сям'і не вераць у версію пра суіцыд. Памежнік быў кухарам.

У Цімафеева пяць братоў і сясцёр. Яны жылі ў Мінску. Рыхтуючыся эміграваць у Германію, яны перайшлі на сваё нямецкае прозвішча Крэйбрынг. Ці паспеў змяніць сваё прозвішча Роберт, невядома.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі