Вы тут

Святлана Алексіевіч збіраецца выйсці з Рускага ПЭН-цэнтра

З'явіліся звесткі, што нобелеўская лаўрэатка Святлана Алексіевіч збіраецца выйсці з Рускага ПЭН-цэнтра. Пра гэта напісаў у сваім блогу на livejournal.com Мікалай Падасакорскі са спасылкай на яе сяброўку Рыту Кабакову.

Скандал у Рускім ПЭН-цэнтры ўзнік пасля таго, як выканкам арганізацыі выключыў журналіста і праваабаронцу Сяргея Пархоменку за публічную крытыку кіраўніцтва ПЭНа. Пасля гэтага з Рускага ПЭН-цэнтра сышлі Леў Рубінштэйн, Аляксандр Ілічэўскі і Барыс Акунін. Яшчэ 47 сябраў Рускага ПЭНа выступілі з калектыўнайым заявай: яны запатрабавалі неадкладна правесці ў Маскве агульны сход арганізацыі і выказалі недавер цяперашняму выканкаму.

"Пра гэта ў фэйсбуку напісала яе сяброўка Рыта Кабакова: "З ўчорашняй перапіскі са Святланай Алексіевіч:" Рыта, пасля таго, як яны выключылі Пархоменку, я таксама вырашыла выйсці з гэтай дзіўнай цяпер арганізацыі. Сёння мне тэлефанавала старая знаёмая, было тое ж самае пачуццё. Мы ўсё больш і страшней падзяляемся. Зараз з намі можа быць усё... Святлана", — цытуе Падасакорскі.

Раней з Рускага ПЭН-цэнтра на знак нязгоды з палітыкай кіраўніцтва выйшлі такія вядомыя пісьменнікі, як Ігар Ірценьеў, Людміла Уліцкая, Віктар Шэндэровіч, Уладзімір Вайновіч, Сяргей Гандлеўскі, Дзмітрый Бавільскі.

Галоўнае

Выбар рэдакцыі