Суддзю, які судзіў Вітольда Ашурка, прызначылі ў Вярхоўны суд
Вярхоўны суд / Еўрарадыё
Суддзю, які пасадзіў Вітольда Ашурка, прызначылі ў Вярхоўны суд. Максім Філатаў пераходзіць на працу ў сталіцу з Гродзенскага абласнога суда.
Пра гэта гаворыцца ва ўказе Аляксандра Лукашэнкі "Аб прызначэнні і вызваленні суддзяў".
Максім Філатаў асудзіў палітвязня Вітольда Ашурка на закрытым судзе на 5 гадоў калоніі. 21 траўня 2021 года ён памёр у шклоўскай калоніі пры няясных абставінах.
Таксама Філатаў прызначыў велічэзныя турэмныя тэрміны падсудным па "справе Аўтуховіча".
