Студэнта пакаралі двума гадамі калоніі і штрафам за каментар па справе Зэльцэра
![Уладзімір Запольскіх / “Вясна”](/sites/default/files/styles/gallery_main/public/2023-08/%D0%B3%D0%BB%D0%B0%D0%B2%D0%BD%D0%B0%D1%8F_49.jpg.webp?itok=NlvVIlow)
Уладзімір Запольскіх / “Вясна”
Студэнта юрыдычнага факультэта БДУ Уладзіміра Запольскіх пакарлі двума гадамі калоніі і штрафам 6400 рублёў па трох артыкулах Крымінальнага кодэкса. 22-гадовы хлопец быў затрыманы 29 верасня 2021 года па крымінальнай справе, узбуджанай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зэльцэра, паведамляюць праваабаронцы “Вясны”.
Суддзя Святлана Бандарэнка вырашыла, што Уладзімір нібыта вінаваты ў распальванні іншай сацыяльнай варожасці (ч.1 арт. 130 КК), арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч. 1 арт 342 КК) і абразе прадстаўніка ўлады (арт.369 КК).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.