Развітанне з акцёрам Сяргеем Жураўлём пройдзе ў панядзелак у 11:00
Яно будзе праходзіць на сцэне тэатра імя Янкі Купалы.
Кіраўніца аддзелу знешніх сувязяў Купалаўскага тэатра Дыяна Даражок распавяла Еўрарадыё калі будзе праходзіць развітанне з Сяргеем Жураўлём.
“Стала вядома, што развітанне адбудзецца ў панядзелак на сцэне тэатра імя Янкі Купалы. Развітанне пачнецца аб 11:00. З 12:30 да 13:00 будзе грамадзянская паніхіда, яна будзе таксама на сцэне тэатра. А 14:00 гадзіне плануецца пахаванне на Усходніх могілках Мінска”, — сказала Дыяна Даражок.
Народны артыст Беларусі, акцёр Купалаўскага тэатра Сяргей Журавель, пайшоў з жыцця сёння, 14 жніўня, на 62-м годзе жыцця. Абставіны смерці артыста пакуль не паведамляюцца.
Памёр народны артыст Беларусі акцёр Сяргей Журавель
Фота: тэатра імя Янкі Купалы.
