Сталі вядомыя ўсе ўдзельнікі футбольнага чэмпіянату свету 2014 года
Апошнюю, 32-ю, пуцёўку заваявала зборная Уругвая. Пасля разгрома іарданцаў з лікам 5:0, уругвайцы ў паўторным матчы плэй-оф згулялі ўнічыю 0:0.
Еўрапейскі кантынент на сусветным першынстве прадставяць зборныя Бельгіі, Нямеччыны, Расіі, Харватыі, Галандыі, Італіі, Швейцарыі, Партугаліі, Босніі і Герцагавіны, Грэцыі, Англіі, Іспаніі і Францыі.
Таксама ў Бразіліі згуляюць, акрамя гаспадароў поля, зборныя Аргентыны, Чылі, Калумбіі, Эквадора, Нігерыі, Кот-д'Івуара, Камеруна, Ганы, Алжыра, Мексікі, ЗША, Гандураса, Коста-Рыкі, Японіі, Ірана, Паўднёвай Карэі і Аўстраліі.
Футбольны чэмпіянат свету пройдзе ў Бразіліі з 12 чэрвеня да 13 ліпеня 2014 года. Лёсаванне фінальнай стадыі адбудзецца 6 снежня.
Фота — ria.ru
