Футбалісты Іспаніі сталі першымі фіналістамі чэмпіянату Еўропы

У паўфінале чэмпіянату Еўропы па футболе 9 ліпеня зборная Іспаніі перамагла французаў з лікам 2:1 і стала першай фіналісткай.

Аўтарамі галоў у іспанцаў сталі Ламін Ямаль і Дані Ольма. У Французаў змог вызначыцца толькі Рандаль Кало-Муані.

Дарэчы, Ламін Ямаль стаў самым маладым аўтарам гола ў гісторыі чэмпіянатаў Еўропы: учора яму споўнілася толькі 16 гадоў і 362 дні.

Сёння стане вядомы другі фіналіст Еўра: ён вызначыцца ў паядынку зборных Англіі і Нідэрландаў.