Сталі вядомыя падрабязнасці трагедыі з дэльталётам пад Віцебскам
![Сталі вядомыя падрабязнасці трагедыі з дэльталётам пад Віцебскам](/sites/default/files/styles/gallery_main/public/2023-08/deltaliot-1108.jpg.webp?itok=kVPg9ivS)
Следчы камітэт праводзіць праверку па факце падзення ў возера Добрына дэльталёта з людзьмі.
Як распавядала Еўрарадыё, трагедыя здарылася ўвечары 10 жніўня. Пры гэтым загінула жанчына.
Як высветліла следства, сям'я прыехала з Віцебска, каб палятаць на дэльталёце, які належаў 60-гадоваму мясцоваму жыхару. Першай каталася 17-гадовая дзяўчынка, потым месца пасажыра заняла яе 39-гадовая мачыха.
Падчас палёту над возерам дэльталёт зваліўся ў ваду з вышыні 10 метраў і пайшоў на дно. Мужчыну ўдалося выбрацца з вады, а пасажырка загінула
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.