Стала вядома, за што Лукашэнка звольніў міністра энергетыкі Патупчыка

Стала вядома, за што Лукашэнка звольніў міністра энергетыкі Патупчыка

Стала вядома, за што Аляксандр Лукашэнка звольніў міністра энергетыкі Уладзіміра Патупчыка. Старшыня КДБ Валерый Вакульчык у праекце "Размова ў прэзідэнта" на тэлеканале "Беларусь 1" распавёў, што прычынай стала заступніцтва ў стварэнні незаконнага сямейнага бізнесу.

"Не так даўно кіраўніком дзяржавы была пастаўлена задача разабрацца з інфармацыяй, якая датычыць асабіста міністра [энэргетыкі] і членаў яго сям'і, расказвае Вакульчык. — Гэтая праца камітэтам была праведзена. Была ўстаноўлена наяўнасць створанага пры падтрымцы і заступніцтве асабіста міністра энергетыкі Патупчыка сямейнага бізнесу — падраду — паставак будматэрыялаў па завышаных коштах на аб'екты будаўніцтва. Што спрыяла, натуральна, узбагачэнню, незаконнаму атрыманню прыбытку".

Старшыня КДБ падкрэслівае, што па выніках дакладу дзяржбяспекі Лукашэнка і прыняў рашэнне аб вызваленні Уладзіміра Патупчыка ад пасады. Патупчыку 59 гадоў. Ён быў міністрам энергетыкі крыху больш за пяць гадоў.

Апошнія навіны

Галоўнае

Выбар рэдакцыі