Спіс Пушкіна: хто данёс на мастака, хто яго судзіў, хто наглядаў
![Прокурор Александр Король (Минск), судья Шилько, Ольга Бондарева](/sites/default/files/styles/gallery_main/public/2023-08/181%20%282%29.jpg.webp?itok=BqhldeXo)
"Дзякуючы" каму Алесь Пушкін апынуўся ў нясцерпных умовах / калаж Улада Рубанава, Еўрарадыё
Нечаканая гібель палітвязня мастака Алеся Пушкіна стала шокам для многіх. Чаму ён памёр, што менавіта забрала яго жыццё, ці панясе хто-небудзь за гэта адказнасць — пытанняў назбіралася вельмі шмат. Але няма пытанняў наконт таго, хто вінаваты ў трагедыі: уся рэпрэсіўная машына, створаная Аляксандрам Лукашэнкам. І тыя, хто адыграў сваю ролю ў затрыманні і зняволенні мастака.
Данос: Вольга Бондарава
Увесну 2021-га гродзенская "інфаказачка" Вольга Бондарава наведала выставу ў мясцовым "Цэнтры гарадскога жыцця". Адной з карцін там быў партрэт беларуса-антысаветчыка Яўгена Жыхара, напісаны Алесем Пушкіным.
У выніку актывістка назвала выставу "рассаднікам нацызму", зняла выставу на смартфон, выклала відэа з абурэннямі на ютуб-канал і ўзняла кампанію ў сацсетках. Праз некалькі дзён Генпракуратура ўзбудзіла ў дачыненні да Алеся Пушкіна крымінальную справу.
![Список Пушкина: кто донёс на художника, кто его судил, кто надзирал](/sites/default/files/styles/default_image_paragraph/public/paragraphs/image/kaza_0.jpg.webp?itok=d5CXC0Z9)
Галоўная даносчыца краіны Вольга Бондарава
"Наша кампанія вырашыла ўзгадаць, як адбываўся працэс пасадкі змагарскай пачвары за краты", — так напісала Бондарава ў сябе ў тг-канале ў пасце пра смерць Пушкіна, дадаўшы скрыны сваіх даносаў.
Пракурор: Аляксандр Кароль
"Зорны пракурор" да свайго 31 года паспеў выступіць дзяржаўным абвінаваўцам па справе Марыі Калеснікавай і Максіма Знака, Алеся Бяляцкага і іншых затрыманых па справе"Вясны". Апошняя яго гучная справа — суд над Эдуардам Бабарыкам, які атрымаў 8 гадоў калоніі.
![Александр Король — прокурор, который выступал против нобелевского лауреата, художника и флейтистки](/sites/default/files/styles/default_image_paragraph/public/paragraphs/image/kazel.png.webp?itok=WPOAwWC5)
Аляксандр Кароль — пракурор, які выступаў супраць нобелеўскага лаўрэата, мастака і флейтысткі
Кароль выступаў у якасці абвінаваўцы і па справе супраць Алеся Пушкіна. Ён запатрабаваў для мастака пяць гадоў строгага рэжыму. Нагадаем, за карціну.
Суддзя: Алена Шылько
Шылько вядзе палітычныя справы ўжо амаль два дзясяткі гадоў. Сярод яе гучных прысудаў — 2 і 3,5 года для Змітра Дашкевіча і Эдуарда Лобава ў 2010-м, а апошнім часам яна разглядала справы праваабаронцы Насты Лойка (7 гадоў калоніі), медыяменеджара Канстанціна Залатых (4 гады), уладальніка "Кальяннай №1" Івана Мураўёва (2,5 года).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.