СМІ паведамляюць пра моцны выбух у цэнтры Мелітопаля — горад кантралююць расіяне
![У выніку выбуху, паводле папярэдніх дадзеных, пацярпелі дзве жанчыны і малады мужчына /@riamelitopol](/sites/default/files/styles/gallery_main/public/2023-08/mel_30_05.jpg.webp?itok=DW8F86WX)
У выніку выбуху, паводле папярэдніх дадзеных, пацярпелі дзве жанчыны і малады мужчына /@riamelitopol
У цэнтры Мелітопаля раніцай у панядзелак прагрымеў магутны выбух. Пра гэта пішуць некалькі расійскіх і ўкраінскіх медыя, у тым ліку ўкраінскі рэсурс "Сегодня".
Выбух адбыўся каля 8 гадзін раніцы. Людзі, якія жывуць непадалёк ад месца выбуху, паведамлялі, што ў іх у дамах дрыжалі вокны і сцены.
Паводле папярэдніх звестак, выбух адбыўся недалёка ад дома, дзе жыве новы кіраўнік Запарожскай вобласці Яўген Баліцкі. Баліцкі — былы дэпутат Вярхоўнай рады Украіны. 26 траўня ён быў прызначаны кіраўніком вайскова-грамадзянскай адміністрацыі (ВГА) Запарожскай вобласці — той яе часткі, якая знаходзіцца пад кантролем Расіі. У гэты ж дзень Рада Бяспекі Украіны завяла супраць Баліцкага крымінальную справу па артыкуле "калабарацыянізм".
Паводле папярэдніх дадзеных, раненні ў выніку выбуху атрымалі дзве жанчыны і малады мужчына. У дадзены момант інфармацыя ўдакладняецца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.