“Слуцк” перамог “Крумкачоў” і выйшаў на 4-е месца
Футбольны клуб “Слуцк” упэўнена перамог “Крумкачоў” і выйшаў на 4-ю пазіцыю ў турнірнай табліцы чэмпіянату Беларусі сярод каманд вышэйшай лігі. Каманды гулялі матч 27 тура ў Слуцку, які скончыўся з лікам 2:0.
Цяпер “Слуцк” мае 46 ачкоў, але ўслед за ім з 45 ачкамі ідзе “Тарпеда-БелАЗ”, якое яшчэ мае згуляць у 27-м туры.
“Крумкачы” знаходзяцца на 13-м месцы з 22 ачкамі. У выпадку ўдачы “Славіі”, якая заўтра будзе гуляць з “Віцебскам”, яны могуць апусціцца на 14-е месца, дзе іх ужо будзе пераследваць “Іслач”.
