Вы тут

СК завяршыў расследаванне справы затрыманых студэнцкіх актывістаў

Марш студэнтаў у Мінску 1 верасня 2020 года / Еўрарадыё

Следчы камітэт завяршыў расследаванне крымінальнай справы супраць людзей, якія арганізоўвалі студэнцкія акцыі пратэстаў.

"У якасці абвінавачваных прыцягнута 12 чалавек. Сярод іх студэнты, выкладчык і сябра так званай Каардынацыйнай рады. Пытанні арганізацыі пратэсных акцый абмяркоўваліся са Святланай Ціханоўскай", — гаворыцца ў паведамленні прэс-службы СК.

Гаворка, як можна меркаваць, ідзе пра студэнцкіх актывістаў, выкладчыцу БДУІР Вольгу Філатчанкаву і Алану Гебрэмарыям — прадстаўніцу Святланы Ціханоўскай па справах моладзі і студэнтаў. Усіх іх 12 лістапада затрымалі супрацоўнікі КДБ.

Гэта: 

Марыя Каленік, БДАМ;

Ксенія Сырамалот, БДУ;

Кася Будзько, БДПУ;

Яна Арабейка, БДПУ;

Ягор Канецкі, БДУ;

Глеб Фіцнер, МДЛУ;

Ілля Трахтэнберг, адлічаны студэнт БДУ;

Вікторыя Гранкоўская, адлічаная студэнтка БНТУ;

Анастасія Булыбенка, адлічаная студэнтка БНТУ;

Таццяна Якельчык, БДУ.

Паводле СК, затрыманыя актывісты былі каардынатарамі пратэстаў, адміністравалі тэматычныя тэлеграм-каналы, самі заклікалі да ўдзелу ў акцыях пратэсту, выраблялі і распаўсюджвалі ўлёткі з заклікамі. Акрамя таго, як заяўляе СК, гэтыя ж актывісты "кіравалі ўдзельнікамі, займаліся іх падрыхтоўкай і матэрыяльным забеспячэннем, паведамлялі пра перамяшчэнні супрацоўнікаў органаў унутраных спраў".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.