Сіноптыкі: у нядзелю рэзка пахаладае
У бліжэйшыя суткі, 16 сакавіка, у Беларусі адбудзецца рэзкае змяненне надвор’я.
Будзе пераважна хмарна, часам пройдуць ападкі ў выглядзе снегу, у тым ліку мокрага, завірухі. На дарогах — галалёдзіца, месцамі чакаецца наліпанне мокрага снегу. Вецер прагназуецца заходні моцны парывісты, уначы ў некаторых рэгіёнах вельмі моцны.
Тэмпература паветра ўначы складзе ад нуля да мінус 5 градусаў, удзень чакаецца ад плюс 1 да 5 градусаў, інфармуе БЕЛТА са спасылкай на Белгідрамет.
