Сілавікі затрымалі ў Гомелі стваральніка рэйв-праекта "Мара" Паўла Данкава
![Павел Данкаў / citydog.io](/sites/default/files/styles/gallery_main/public/2023-08/dankou-0305.jpg.webp?itok=LUWNHeSQ)
Павел Данкаў / citydog.io
У Гомелі сілавікі затрымалі 33-гадовага Паўла Данкава (Morgotika) — стваральніка рэйв-праекта "Мара". Яго вінавацяць у ахвяраваннях у фонды салідарнасці і падпісках на "экстрэмісцкія" рэсурсы, піша citydog.io.
Пра затрыманні ў Гомелі стала вядома 2 траўня. Тады сілавікі заявілі пра шасцярых затрыманых. Адным з іх і быў Данкаў.
У лютым 2016 года ён запусціў серыю самых буйных у Беларусі тэхна-рэйваў "Мара". Таксама Данкаў пэўны час працаваў арт-дырэктарам адкрытай прасторы "Верх" на вуліцы Куйбышава, 22 у Мінску.
Першая тэхна-вечарынка "Мара" сабрала больш за тысячу чалавек. Потым такія рэйвы праводзіліся рэгулярна і пастаянна збіралі вялікую колькасць народу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.