Сілавікі ў беларускай культуры: з КДБ — у цырк, з міліцыі — на БТ

Злева направа: Іван Эйсмант, Валерый Курда, Марат Маркаў
Злева направа: Іван Эйсмант, Валерый Курда, Марат Маркаў

Увосень Аляксандр Лукашэнка прызначыў траіх сілавікоў сваімі памочнікамі. Дзяржсакратар Савета бяспекі Валерый Вакульчык прызначаны інспектарам па Брэсцкай вобласці, кіраўнік МУС Юрый Караеў — па Гродзенскай, а намеснік міністра МУС Аляксандр Барсукоў — па Мінску. Памочнікі-сілавікі ўказам ад 26 лістапада атрымалі права актыўна ўплываць на эканоміку рэгіёнаў і на іх жыццё ў цэлым: прысутнічаць на пасяджэннях іх органаў кіравання, уносіць свае прапановы і г. д.

Еўрарадыё вырашыла паглядзець, што яшчэ "несілавое" ў Беларусі ўзначальваюць былыя сілавікі. Знайшлося шмат — ад Саюза пісьменнікаў да цырка.

Уладзімір Шабан — Белдзяржцырк

Силовики в белорусской культуре: из КГБ — в цирк, из милиции — на БТ
Уладзімір Шабан / tvr.by

Ёсць такая прыказка: хто ў арміі служыў — той у цырку не смяецца. Цяперашні дырэктар Белдзяржцырка Уладзімір Шабан больш за трыццаць гадоў праслужыў у КДБ — на пасадзе, звязанай з "ідэалагічным складнікам". Так што ці смяецца ён у мінскім цырку — незразумела. З "культурнага" ў бэкграўндзе Шабана: граў на трубе, скончыў музычную школу па класе баяна і Інстытут культуры. А потым — органы.

Аляксандр Карлюкевіч — галоўны рэдактар газеты "Звязда" і ВД "Звязда"

Силовики в белорусской культуре: из КГБ — в цирк, из милиции — на БТ
Аляксандр Карлюкевіч / rg.ru

Аляксандр Карлюкевіч даўно звязаны з журналістыкай, але ўсё ж — сілавік. У 1985 годзе скончыў факультэт журналістыкі Львоўскага вышэйшага ваенна-палітычнага вучылішча. Да 1995 года даслужыўся да звання падпалкоўніка. Працаваў у газетах "Звязда", "Чырвоная змена", "Советская Белоруссия". У верасні 2017 года прызначаны міністрам інфармацыі. Пакінуў гэту пасаду ў 2020 годзе разам з адстаўкай прэм'ер-міністра Сяргея Румаса — і вярнуўся ў выдавецкі дом "Звязда".

Іван Эйсмант — Белтэлерадыёкампанія

Силовики в белорусской культуре: из КГБ — в цирк, из милиции — на БТ
Іван Эйсмант / TUT.by

Кіраўнік Белтэлерадыёкампаніі Іван Эйсмант па адукацыі не журналіст. Ён скончыў юрыдычны факультэт Акадэміі міліцыі. Пасля працаваў па спецыяльнасці на бацькаўшчыне, у Гродне, даслужыўся да капітана. На тэлебачанні апынуўся ў 2006 годзе, калі яго сястра Ганна, якая працавала на той момант у спартыўнай журналістыцы, запрасіла яго на кастынг вядучых.

Валерый Курда — ансамбль "Харошкі"

Силовики в белорусской культуре: из КГБ — в цирк, из милиции — на БТ
Валерый Курда / фота ВАЯР

У 2020 годзе дырэктарам харэаграфічнага ансамбля "Харошкі" стаў палкоўнік Валерый Курда. Да гэтага ён быў дырэктарам Драматычнага тэатра Беларускай Арміі і намеснікам начальніка Дома афіцэраў.

Ігар Гедзіч — Гродзенскі драмтэатр

Силовики в белорусской культуре: из КГБ — в цирк, из милиции — на БТ
Ігар Гедзіч / polymia.by

Гродзенскі драмтэатр узначальвае яшчэ адзін палкоўнік запасу — Ігар Гедзіч. У 1993 годзе ён скончыў Мінскае вышэйшае ваеннае інжынернае вучылішча, а крыху пазней — камандна-штабны факультэт Ваеннай акадэміі. 27 кастрычніка з Гродзенскага драмтэатра былі звольненыя галоўны рэжысёр Генадзь Мушперт і рэжысёр-пастаноўшчык Сяргей Курыленка: за дзень да гэтага яны абвясцілі, што далучаюцца да нацыянальнай забастоўкі. Ідэалагічная бяспека ў тэатры — на самым высокім узроўні.

Марат Маркаў — АНТ

Силовики в белорусской культуре: из КГБ — в цирк, из милиции — на БТ
Марат Маркаў / ont.by

Выпускнік Мінскага ваеннага вучылішча (цяпер Ваеннай акадэміі) Марат Маркаў працаваў загадчыкам аддзела па рабоце з грамадскімі аб'яднаннямі ў Адміністрацыі Лукашэнкі. У сакавіку 2017 года прызначаны кіраўніком тэлеканала АНТ.

Юрый Казіятка — "Минск-Новости"

Силовики в белорусской культуре: из КГБ — в цирк, из милиции — на БТ
Юрый Казіятка / sb.by

Былы гендырэктар СТБ Юрый Казіятка скончыў Курганскае вышэйшае ваенна-палітычнае авіяцыйнае вучылішча. Цяпер ён займае пасаду генеральнага дырэктара агенцтва "Минск-Новости".

Яго намеснік, Дзмітрый Партон, пасля заканчэння факультэта ваеннай журналістыкі ў Львове служыў у армейскай прэсе, працаваў на радыё і на "ВоенТВ". Пры Паўле Якубовічу быў намеснікам галоўнага рэдактара "СБ. Беларусь сегодня", а потым паспеў папрацаваць на СТБ.

Мікалай Чаргінец — Саюз пісьменнікаў Беларусі

Силовики в белорусской культуре: из КГБ — в цирк, из милиции — на БТ
Мікалай Чаргінец / journalby.com

Мікалай Чаргінец у 1960-я скончыў Вышэйшую школу трэнераў і юрфак БДУ. Працаваў начальнікам упраўлення крымінальнага вышуку МУС, начальнікам Беларускага Упраўлення ўнутраных спраў на транспарце. Даслужыўся да генерал-лейтэнанта ўнутранай службы, стаў пісьменнікам у жанры "міліцэйскага дэтэктыва" — і ўзначаліў Саюз пісьменнікаў Беларусі.

На сваіх месцах

Ёсць у культуры сілавікі, якія знаходзяцца на сваіх месцах. Напрыклад, дырэктар музея ВАВ Уладзімір Варапаеў — палкоўнік запасу і магістр мастацтваў. Да таго Варапаеў 15 гадоў узначальваў Акадэмічны ансамбль песні і танца Узброеных Сіл.

Гістарычным комплексам "Лінія Сталіна" кіруе афіцэр-афганец Аляксандр Мятла. Пасля заканчэння Львоўскага вышэйшага ваенна-палітычнага вучылішча ён служыў палітработнікам у розных падраздзяленнях, пяць гадоў армейскай службы правёў у Групе савецкіх войскаў у Германіі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі