Саўмін скараціў колькасць чыноўнікаў у шэрагу дзяржканцэрнаў
Урад скараціў колькасць чыноўнікаў у шэрагу дзяржканцэрнаў. Згодна з пастановай №497 ад 1 ліпеня, зменшаная колькасць ставак для работнікаў апарату дзяржарганізацый. Нарматыў адлічэнняў сродкаў на іх утрыманне вызначаецца ўрадам, колькасць намеснікаў таксама будзе ўзгадняцца з Саўмінам.
Структура, штатны расклад, зметы выдаткаў на іх утрыманне вызначаюцца кіраўніком дзяржаўнай арганізацыі па ўзгадненні з міністэрствамі эканомікі, працы і сацыяльнай абароны, фінансаў у парадку, вызначаным гэтымі ведамствамі.
Для канцэрну “Белдзяржхарчпрам” колькасць работнікаў змяншаецца з 98 да 83, для канцэрну “Белнафтахім” — з 167 да 142, канцэрну “Беллегпрам” — з 99 да 84. Рэспубліканскаму цэнтру па аздараўленні і санаторна-курортным лячэнні насельніцтва пакідаюць 173,75 стаўкі (было 193).
Пастанова, апублікаваная на Нацыянальным прававым інтэрнэт-партале, набывае моц з 1 кастрычніка 2017 года.
