Санстанцыя зняла забароны на выкарыстанне вады ў Фрунзенскім і Маскоўскім раёнах

Ад уладаў тым часам прыходзілі супярэчлівыя сігналы. Увечары на дзяржаўным тэлебачанні выйшаў сюжэт пра тое, што вада ў норме па ўсіх паказчыках, акрамя паху. Глыбока ўночы на 25 чэрвеня з'явілася абвестка, што ваду з-пад крана піць нельга. Раніцай — іншае паведамленне: вада ізноў у норме, праблемы толькі з пахам. Але паралельна былі апублікаваныя дакументы, згодна з якімі ў вадзе знайшліся нафтапрадукты.

Удзень 25 чэрвеня чыноўнікі правялі прэс-канферэнцыю. Але сказаць, што здарылася, не змаглі. На пад'ездах дамоў з'явіліся абвесткі, што вада небяспечная. Так сітуацыя пратрывала яшчэ два дні. Мінчукі стварылі валанцёрскую ініцыятыву каб дапамагаць з вадой тым, хто не можа сам паклапаціцца пра сябе.

І вось, удзень 27 чэрвеня забарона на карыстанне вадой афіцыйна знятая.