Самалёт украінскіх памежнікаў абстралялі ў Крыме (відэа)
Інцыдэнт здарыўся каля 17.30 у суботу ў раёне Армянска.
Расіяне абстралялі лёгкі памежны самалёт, на борце якога не было ўзбраення.
“Паветраны сродак ажыццяўляў патруляванне мяжы і памежных раёнаў. У часе патрулявання самалёт знайшоў шматлікія пасты расійскіх вайскоўцаў, якія былі размешчаныя ўздоўж перакопскага перашыйка. З аднаго з іх быў адкрыты агонь па памежным самалёце”, — цытуе паведамленне Дзяржаўнай памежнай службы Украіны УНІАН.
