Са Славакіі праз Венгрыю ўдалося эвакуяваць групу беларусаў

Са Славакіі праз Венгрыю ўдалося эвакуяваць групу беларусаў

Са Славакіі праз Венгрыю ўдалося эвакуяваць групу беларусаў. Як паведамляе БЕЛТА, беларускія дыпламаты з пасольства ў Венгрыі дапамаглі шасці суайчыннікам, якія апынуліся ў экстрэмальнай сітуацыі з-за ўведзеных абмежавальных мер з-за каранавіруса. З венгерскімі ўладамі ўдалося дамовіцца пра гуманітарны калідор, па якім беларусы прыбылі ад славацкай мяжы ў аэрапорт у Будапешце. На самалёце "Белавія" яны вярнуліся на радзіму.

Паведамляецца, што з-за мяжы прыляцелі ў Беларусь людзі, якія альбо былі ў гасцях у сваякоў і не чакалі закрыцця межаў, студэнты, грамадзяне, якія страцілі працу ў замежжы. Раней беларуская амбасада ў Венгрыі дапамагла эвакуацыі беларусаў з Сербіі і Славеніі. А за беларускай у Харватыю пасылалі службовы аўтамабіль.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі