Руслан Цевераў названы найлепшым гульцом тура чэмпіянату Беларусі
![Руслан Цевераў / Football.By](/sites/default/files/styles/gallery_main/public/2023-08/min_1.jpg.webp?itok=sYCUvLSb)
Руслан Цевераў / Football.By
Руслан Цевераў прызнаны найлепшым гульцом 21-га тура футбольнага чэмпіянату Беларусі, паведамляе БЕЛТА.
У хатнім паядынку з брэсцкім "Дынама" 27-гадовы нападнік "Віцебска" зрабіў галявы дубль і дапамог сваёй камандзе дамагчыся перамогі з лікам 3:1.
У гэтым сезоне Руслан Цевераў забіў ужо 8 мячоў. Дзякуючы гэтаму поспеху віцябляне набралі 30 ачкоў і падняліся на 6-е месца ў турнірнай табліцы нацыянальнага першынства.
Лідзіруе дзеючы чэмпіён краіны салігорскі "Шахцёр", у актыве якога 47 балаў.
Другім ідзе барысаўскі БАТЭ, які мае 45 ачкоў, на трэцім месцы Брэсцкі "Рух" — 43 балы, у сталічнага "Дынама" на адно ачко менш.
Матчы 22-га тура адбудуцца 11 і 12 верасня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.