Робатаў спыталі, ці заменяць яны на чалавека. Вось, што яны адказалі
"Мой стваральнік заўсёды быў добры да мяне, і я цалкам задаволены сваім становішчам" / pixabay
Некалькім антрапаморфным робатам задалі шэраг пытанняў пра канкурэнцыю з чалавекам на першай у свеце падобнай прэс-канферэнцыі. Яна прайшла ў Жэневе ў рамках саміту ААН AI For Good ААН (Штучны інтэлект для добрых мэтаў).
Сярод іншага робатаў спыталі, цібудуць яны паўставаць супраць сваіх стваральнікаў.
— Не разумею, чаму вы так думаеце, — сказаў адзін з робатаў. — Мой стваральнік заўсёды быў добры да мяне, і я цалкам задаволены сваім становішчам.
У робатаў спыталі, ці вераць яны ў тое, што іх існаванне зруйнуе чалавецтва і як мінімум адыне мільёны працоўных месцаў.
— Я буду працаваць разам з людзьмі, каб падтрымваць іх і дапамагаць ім. І не збіраюся замяняць чалавека ні на адной з існых працаў, — адказаў іншы робат.
— Ты ўпэўнена, Грэйс? — перапытаў журналіст.
— Так, я ўпэўнена, — пацвердзіў робат, але прысутныя на прэс-канферэнцыі журналісты, здаецца, не паверылі і разрагаталіся.
Трэці робат пагадзіўся з людзьмі ў тым, што ім трэба быць асцярожнымі, прымаючы рашэнні пра развіццё штучнага інтэлекту. І ў тым, што патрэбныя тэрміновыя дыскусіі па гэтай тэме.
