"Рэвалюцыю" Віктара Марціновіча паставяць на нямецкай сцэне
Віктар Марціновіч / "Еўрарадыё"
Адзін з найбуйнейшых тэатраў Германіі, Deutsches Schauspielhaus (Гамбург), пакажа ў красавіку прэм'еру спектакля паводле рамана "Рэвалюцыя" беларускага пісьменніка Віктара Марціновіча. Пра гэта паведаміў сам літаратар у соцсетях.
Раман "Рэвалюцыя", па словах Марціновіча, напісаны яшчэ ў 2013 годзе. Сам аўтар распавядае пра свой мастацкім тэксце так: "Гэта гісторыя пра тое, як чалавек, дарваўшыся да ўлады, паступова ператвараецца ў кавалак лайна".
Узімку 2020 года, адказваючы на пытанне "Еўрарадыё", ці звязаны раман з такой назвай з прэзідэнцкімі выбарамі, аўтар адказаў катэгарычнай адмовай: падзеі твора адбываюцца не ў Беларусі.
Раман быў выдадзены па-беларуску ў 2020 годзе выдавецтвам "Кнігазбор", а ў 2021 годзе маскоўскае "Время" выпусціла яго ў перакладзе на рускую мову.
Восенню мінулага года Марціновіч не змог правесці ў Мінску аўтограф-сесію "Рэвалюцыі". З пачатку 2021 года беларуская мытня перастала выпускаць за мяжу пасылкі з раманам. Пры ператрусе ў выдавецтве "Кнігазбор" быў канфіскаваны ўвесь наклад кнігі.
