ДФР дагэтуль не вярнуў выдавецтву 500 асобнікаў кнігі "Рэвалюцыя"

ДФР дагэтуль не вярнуў выдавецтву 500 асобнікаў кнігі "Рэвалюцыя"

Супрацоўнікі Дэпартамента фінансавых расследаванняў дагэтуль не вярнулі выдавецтву "Кнігазбор" больш за 500 асобнікаў кнігі Віктара Марціновіча "Рэвалюцыя". З сярэдзіны студзеня ў іх працягваюць "шукаць экстрэмізм".

Дырэктар выдавецтва Генадзь Вінярскі распавёў, што "справа "Кнігазбора" і іншых кнігароў закрытая. Тэхніку вярнулі, а кнігі не, бо вынікаў экспертызы ў іх [сілавікоў] няма".

13 студзеня ў офіс "Кнігазбору", а таксама дадому і ў гараж да яго кіраўніка Генадзя Вінярскага прыйшоў ДФР. Сілавікі забралі на "экспертызу" 560 асобнікаў "Рэвалюцыі" Віктара Марціновіча і 150 камплектаў налепак "Нагода да карагода". Іх дагэтуль не вярнулі, бо адзін з чальцоў камісіі, якая павінна праверыць усё гэта на экстрэмізм, захварэў. Таксама былі арыштаваныя рахункі выдавецтва — іх разблакавалі толькі ў чэрвені.

Тады ж, у сярэдзіне студзеня ДФР затрымліваў кіраўніка інтэрнэт-кнігарні knihi.com Алесея Яўдаху і дырэктара выдавецтва "Янушкевіч" Андрэя Янушкевіча. Пасля допытаў іх адпусцілі ў той жа дзень.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі