Вуліца Карла Маркса так і не стала пешаходнай
Намер закрыць гэтую вуліцу для аўтамабільнага руху ў выходныя і святочныя дні нядаўна агучыў старшыня Мінгарвыканкаму Мікалай Ладуцька.
Кіраўнік гарадской адміністрацыі даручыў адпаведным службам сумесна з ДАІ адпрацаваць схему арганізацыі пешаходнага руху па вуліцы Карла Маркса і загадзя праінфармаваць пра гэта насельніцтва і суб’екты гаспадарання.
Ладуцька ўдакладніў, што вуліцу закрыюць для аўтамабільнага руху на перыяд з траўня па жнівень і пачнецца гэта “прыкладна 9 траўня”.
Аднак у Дзень перамогі Карла Маркса так і не стала пешаходнай, аўтамабілі рухаюцца па ёй і паркуюцца як звычайна.
