Войскі СПА ладзяць вучэнні з баявой стральбой
Аператыўна-тактычныя вучэнні ладзяцца ад 31 ліпеня па 15 верасня.
У іх удзельнічаюць войскі Заходняга аператыўна-тактычнага камандавання Ваенна-паветраных сіл і войскаў супрацьпаветранай абароны Узброеных сіл Беларусі.
Як паведамляе БелаПАН, пра вучэнні Мінабароны паведаміла праз тыдзень пасля іх пачатку. На першым этапе адпрацавалі пытанні пераводу з мірнага на ваенны час, падрыхтоўкі і вядзенні баявых дзеянняў пры адлюстраванні ўдараў з паветра. Падчас другога этапу вучэнняў асабовы склад здзейсніць марш чыгуначным і паветраным эшалонамі ў новы пазіцыйны раён.
Баявыя стрэльбы будуць праводзіцца на двух палігонах Расіі — на палігоне Ашулук у Астраханскай вобласці і на палігоне Тэлемба ў Забайкаллі.
Фота — ctv.by
