Сяргей Каваленка — у турэмным шпіталі мінскай калоніі
Прычына яго пераводу ў сталіцу з Віцебска невядомая.
Нагадаем, актывіст КХП БНФ у пятніцу Першамайскім судом Віцебска быў асуджаны на 2 гады і 1 месяц калоніі за парушэнні рэжыму адбыцця хатняй "хіміі" (яе яму далі за вывешаны ў студзені 2010-га на галоўнай ёлцы Віцебска бела-чырвона-белы сцяг). За кратамі Каваленка працягвае галадоўку, кажа яго жонка Алена, якая бачылася з мужам 28 лютага.
Як паведамляе Радыё Свабода, Алена Каваленка не здолела даведацца пра прычыны пераводу мужа ў турэмны шпіталь мінскай калоніі № 1.
