Сёння стартуе кампанія па зборы паручальніцтваў за Бяляцкага
Яна будзе праходзіць у Беларусі і ў замежжы.
Праваабронцы будуць збіраць асабістыя паручальніцтвы грамадзянаў за Алеся Бяляцкага. Як паведаміў Еўрарадыё паплечнік Бяляцкага Уладзімір Лабковіч, яны спадзяюцца, што сярод іншых адгукнуцца людзі, якім дапамагала "Вясна", і яны запоўняць гэтыя паручальніцтвы.
110808 Labkovich - site.mp3
У замежжы кампанію ладзіць Міжнародная федэрацыя правоў чалавека: Бяляцкі з'яўляецца яе віцэ-прэзідэнтам.
Паводле словаў Лабковіча, цяпер жонка Бяляцкага і яго калегі збіраюць для яго перадачу. Нагадаем, праваабаронцу затрымалі на 10 сутак. Цяпер ён знаходзіцца ў следчым ізалятары на вуліцы Валадарскага. Сёння адвакат Бяляцкага будзе спрабаваць з ім сустрэцца.
Фота — Еўрарадыё
