Першы муж Вольгі Класкоўскай гатовы забраць сваю дачку ў Беларусь
Віталь Навумовіч нагадвае, што яшчэ ў 2007 годзе быў супраць таго, каб дачка выязджала з Беларусі.
Паводле рашэння беларускага суда, прынятага яшчэ да эміграцыі Вольгі Класкоўскай, апекуном Міраславы з'яўляецца яе бацька, Віталь Навумовіч. Дзяўчынка таксама зарэгістраваная ў яго мінскай кватэры, адзначае Радыё "Свабода".
Нагадаем, што месцазнаходжанне Міраславы зараз не вядомае. Яе маці Вольга Класкоўская апынулася ў шведскай турме па абвінавачанні ў замаху на забойства другога мужа.
Сувязь з Міраславай падтрымлівае сябар Вольгі былы сустаршыня Саюзу беларусаў Швецыі Аляксей Ліцвінчык. Ён кажа, што, па словах Міраславы, у яе ўсё ёсць, яна мае кантакт з сваёй бабуляй у Беларусі.
Міраславе Навумовіч 11 гадоў.
Фота — svaboda.org